Kven er vi:
Mathias er opphavleg frå Lom, men er nå busett i Skjåk. Ronny og Odd Halvard kjem frå Skjåk. Ronny er busett i Skjåk, mens Odd Halvard er busett i Ål i Hallingdal. Alle tre har om lag 15 års fartstid kvar, som musikarar i diverse grupper og band. Mathias har spelt i fleire gammaldansgrupper, mens Ronny og Odd Halvard for det meste har erfaring frå forskjellige rocke- og countryband.

Bakgrunn for oppstarten av Grassalt:
Grassalt vart etablert på seinhausten 2004. Fleire år med store band, mykje utstyr og mykje lyd, førte til tanken om å gjera noko enkelt og akustisk. Bluegrass-inspirert musikk var da eit naturleg val, sidan vi har erfaring innan sjangrane country og gammaldans. Interessa for jordnær og enkel tradisjonsmusikk, frå forskjellige deler av verda, har også alltid vore i oss.

Målsetjinga vår:
Hovudgrunnen til at vi gjer dette, er gleda ved å spela musikk for folk. Målet er å framføre kvek og stemningsfull musikk, som får publikum i godt humør og gjev dei ei positiv oppleving. Vi legg vekt på at musikken blant anna skal passe inn i små intime lokal, og at lyden skal ligge på eit behageleg nivå. Musikken blir framført på tradisjonelle akustiske instrumenter som blant anna kontrabass, mandolin og gitarar.

Booking: Telefon: 907 53 170 / 959 83 829 / 911 04 464